བྱ་ཝང་ངོ་སྤྲོད།
འཛམ་གླིང་ནང་བྱ་ཝང་རིགས་ ༥༠ ཙམ་ཡོད་པ་དང༌། དཔེར་ན་རྨ་བྱ་དང་ཧི་མ་ལ་ཡའི་ལྷོ་ཕྱོགས་ཀྱི་རི་རྒྱུད་དང་རྒྱ་གར་གྱི་ཤར་ཕྱོགས་སུ་གནས་པའི་ཁྱིམ་བྱ་རིགས་ཤིག་ཀྱང་བྱ་ཝང་གི་རིགསརྒྱུད་ཡིན་པར་བཤད།
Donate
འཛམ་གླིང་ནང་བྱ་ཝང་རིགས་ ༥༠ ཙམ་ཡོད་པ་དང༌། དཔེར་ན་རྨ་བྱ་དང་ཧི་མ་ལ་ཡའི་ལྷོ་ཕྱོགས་ཀྱི་རི་རྒྱུད་དང་རྒྱ་གར་གྱི་ཤར་ཕྱོགས་སུ་གནས་པའི་ཁྱིམ་བྱ་རིགས་ཤིག་ཀྱང་བྱ་ཝང་གི་རིགསརྒྱུད་ཡིན་པར་བཤད།
ཁྲུང་ཁྲུང་སྐེ་ནག་ནི་ས་མཐོའི་བོད་ཀྱི་དམིགས་བསལ་སྐམ་གཤེར་གཉིས་ཀ་ལ་གནས་པའི་འདབ་ཆགས་རིགས་ཤིག་ཡིན་པ་དང༌། སྤྱིར་སའི་གོ་ལའི་སྟེང་དུ་ཁྲུང་ཁྲུང་རིགས་མི་འདྲ་བ་བཅོ་ལྔ་ཙམ་ཡོད་པས། བོད་ས་ཁུལ་ལ་མཚོན་ན་ཁྲུང་ཁྲུང་སྐེ་ནག་དང༌། དར་མདོ་ཁྲུང་ཁྲུང༌། ཁྲུང་ཁྲུང་ཁྲབ་གཟུགས། སྦང་ལའི་ཁྲུང་ཁྲུང་སོགས་ཡོད་ཅིང༌། དེའི་ནང་ནས་ཆེས་རྩ་ཆེ་ཤོས་ནི་ཁྲུང་ཁྲུང་དཀར་མོའམ་ཁྲུང་ཁྲུང་སྐེ་ནག་ནི་བོད་ཀྱི་ཡུལ་གཅིག་པུའི་ནང་མ་གཏོགས་ཡུལ་ཁམས་གཞན་ལ་མེད་པ་དང༌། བོད་མིས་ལྷ་བྱ་ཁྲུང་ཁྲུང་དཀར་མོ་ཟེར་ཏེ་རྩ་ཆེན་བརྩི་བཞིན་ཡོད།
རྐྱང་ཁྲ་ནི་འོ་འཐུང་སྲོག་ཆགས་རིགས་སུ་གཏོགས་པ་དང༌། སེམས་ཅན་འདི་རིགས་ལྷོ་ཨ་ཧྥི་རི་ཁ་ཁོ་ནར་འཚོ་གནས་བྱེད་ཅིང༌། སྲོག་ཆགས་འདི་མཇིང་པའི་སྤུ་ཐུང་ཞིང་གྱེན་དུ་ལངས་པ། རྣ་ཅོག་ཅུང་ཆེན་པོ་ཡོད།
ཆུ་རྟ་ནི་ཨ་ཧཕི་རི་ཁ་ཁོ་ནར་ཡོད་པའི་འོ་འཐུང་སྲོག་ཆགས་རིགས་སུ་གཏོགས། སྲོག་ཆགས་འདི་རྐང་པ་དང་ལག་པ། རྔ་མ་བཅས་ཐུང་ཞིང་ལྗིད་ཚད་ཆེ་བའི་ཕར་བལྟས་ཚོད་ལ་རྟ་ལས་ཅུང་བོངས་ཆེ་བའི་ཕག་རྒོད་ཅིག་དང་ཧ་ཅང་འདྲ་པོ་ཡོད།
ཤྭ་ཁྲ་སྐེ་རིང་ནི་འོ་འཐུང་དང་རྩ་གཟན་སྲོག་ཆགས་ཁོངས་སུ་གཏོགས་ཤིང༌། སྲོག་ཆགས་འདིའི་ཁྱིམ་རྒྱུད་ནི་ལྷོ་ཨ་ཧཕི་རི་ཁ་ཁོ་ན་ཡིན་ཞིང༌། ད་ཆར་འཛམ་གླིང་སྤྱན་གཟིགས་ཁང་ཕལ་ཆེ་བའི་ནང་རེ་གཉིས་ཙམ་མཐོང་རྒྱུ་ཡོད།
རྒྱ་འམ་རྒྱ་ར་ནི་འོ་འཐུང་དང་རི་དྭགས་ཀྱི་སྡེ་རུ་གཏོགས་ཤིང༌། རྒྱ་ལ་རིགས་གསུམ་ཙམ་ཡོད་ཅིང༌། དེ་ཡང་ཧི་མ་ལ་ཡའི་རྒྱུད་དང༌། ཀོ་རི་ཡ། སེ་བྷི་རི་ཡ་སོགས་སུ་འཚོ་གནས་བྱེད་ཀྱི་ཡོད། རྒྱ་ར་རིགས་གསུམ་ནང་ནས་རིགས་གཉིས་ཙམ་བོད་ལ་འཚོ་གནས་བྱེད་ཀྱི་ཡོད་པ་བོད་གངས་ཅན་ལྗོངས་ཀྱི་རྩ་ཆེའི་སྲོག་ཆགས་ངོ་སྤྲོད་དབྱིན་ཡིག་དེབ་ནང་གསལ་འདུག
