གཤེར་ས་དང་མཚོ་བྲི་རྒུད།
དེ་སྔ་བོད་ནང་མཚོ་དང་མཚིའུ་སྟོང་ཕྲག་མང་པོ་ཡོད་ཅིང་། བོད་མི་ཚོས་དེ་དག་ཕལ་ཆེར་ཡུལ་ལྷ་དང་ཀླུ་གནས་པའི་རྩ་ཆེའི་ས་གནས་སུ་ངོས་འཛིན་བྱེད་པ་དང་། མཚོ་དེ་དག་གི་ཆུ་ལ་ནད་དང་ཟུག་རྔུ་སེལ་བའི་ནུས་པ་ཡོད་པར་ཡིད་ཆེས་ཀྱང་བྱེད་ཀྱི་ཡོད། མཚོ་དང་མཚིའུ་དེ་དག་ཕལ་ཆེ་བའི་ཆུའི་ཚད་རང་སོར་གནས་རྒྱུར་ཉེ་ཁུལ་ས་གནས་ཀྱི་བཞུར་ཆུ་ཁག་དང་ས་འོག་གི་ཆུ་ལ་བརྟེན་ཡོད་ཅིང་། ཕལ་ཆེ་བར་མཚོ་ཆུ་ཕྱིར་ཐོན་སའི་ཆུ་སྒོ་
ཡང་མེད། གཞི་རྩའི་ཆ་ནས་འདི་ལྟའི་མཚོ་དང་མཚིའུ་ཁག་གི་ཆུའི་ཚད་རིམ་ཁག་མིའི་བྱ་སྤྱོད་དང་གནམ་གཤིས་ཚ་དྲོད་ཀྱི་སྟངས་འཛིན་འོག་གནས་ཡོད།
བོད་ནང་གི་མཚོའི་གྲངས་འབོར་ནས་མང་པོ་ཞིག་རྩ་བརླགས་སུ་ཕྱིན་ཟིན་ཡོད།
ཕྱི་ལོ་ ༡༩༧༠ ནས་ ༡༩༨༨ བར་གྱི་དུས་ཡུན་ནང་བོད་བྱང་ཕྱོགས་སུ་ཆགས་པའི་བྱང་གནམ་མཚོའི་མཚོ་ཁའི་རྒྱ་ཁྱོན་སྤྱི་ལེ་གྲུ་བཞི་མ་ ༣༨ .༥༨
ཆུང་དུ་ཕྱིན་ཡོད་པ་དང་། སྤྱི་སྙོམ་བྱས་ན་ལོ་རེར་སྤྱི་ལེ་གྲུ་བཞི་མ་ ༢.༡༤
ཙམ་ཆུང་དུ་ཕྱིན་ཡོད། དེ་སྔོན་གནམ་མཚོའི་ཆུ་ཁ་བྲི་ཚད་དལ་པོ་ཡིན་ཡང་། ད་ལྟ་ནི་ཧ་ཅང་བྲི་ཚད་མྱུར་པོ་ཆགས་ཡོད། དུས་ཡུན་རིང་པོ་ཞིག་གི་རིང་བོད་མཐོ་སྒང་གི་ས་གནས་དེ་ག་ལེར་སྐམ་ཤས་ཇེ་ཆེར་འགྲོ་བཞིན་ཡོད་ཀྱང་། ད་ཆ་ཚད་མྱུར་དུ་ཕྱིན་ཡོད། ཕྱི་དྲིལ་ཁོར་ཡུག་སྡེ་ཚན་གྱིས་མཁོ་འདོན་གནང་།
ཐེངས་ 42191 བཀླགས་འདུག