བོད་མིའི་སྒྲིག་འཛུགས་ནས་ཟླ་གཅིག་རིང་བོད་ཀྱི་ཁོར་ཡུག་ལས་འགུལ་ཆེན་མོ་སྤེལ་རྒྱུ་དང་ཁོར་ཡུག་དང་འབྲེལ་ནས་འབོད་སྐུལ་དོན་ཚན་ལྔ་ཅན་ཞིག་ཡོངས་བསྒྲགས་གནང་འདུག
ཕྱི་ལོ་ ༢༠༡༩ ཟླ་ ༡༡ ཚེས་ ༦ རེས་གཟའ་ལྷག་པའི་ཉིན་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་ཕྱི་དྲིལ་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་བོད་མཐོ་སྒང་འདི་ས་གོ་ལའི་སྣེ་མོ་གསུམ་པ་ཡིན། ཞེས་གྲགས་པ་ལྟར་བོད་མཐོ་སྒང་གི་ཁོར་ཡུག་སྲུང་སྐྱོབ་བྱ་རྒྱུ་གལ་ཆེའི་ནང་གི་དོན་ཆེར་བརྩིས་ནས་བོད་མིའི་སྒྲིག་འཛུགས་ཀྱིས་ཞུ་སྐུལ་གྱི་ལས་འགུལ་སྤེལ་རྒྱུའི་གསར་འགོད་གསལ་བསྒྲགས་ཤིག་སྤེལ་གནང་ཡོད།