འཁྱགས་རོམ་དུས་སྐབས་ཀྱི་སེམས་ཅན་ཆེན་པོ་འགའ་ཧ་ལམ་བོད་ནས་གྲོལ་ཡོད་པ།

 ཞིབ་འཇུག་པ་ཚོས་ཧི་མ་ལ་ཡའི་ས་ཁུལ་ནས། རྩ་སྟོངས་སུ་གྱུར་ཟིན་པའི་སེམས་ཅན་མང་པོའི་ནང་གི་གནའ་དུས་ཀྱི་བལ་ལྡན་བསེ་རུ་(woolly rhino) ཡི་འགྱུར་རྡོའི་རྗེས་ཤུལ་ཤིག་རྙེད་ཡོད་འདུག

འདིའི་བསྟན་དོན་ནི་ཧ་ལམ་འོ་འཐུང་གི་སྲོག་ཆགས་ཧ་ཅང་ཆེན་པོ་འགའ་འཁྱགས་རོམ་དུས་སྐབས་འགོ་མ་ཚུགས་པའི་སྔོན་གྱི་ལོ་དུང་ཕྱུར་ ༢.༦ ཡར་སྔོན་ཙམ་ནས་ད་ལྟ་ང་ཚོས་འབོད་བཞིན་པའི་བོད་དུ་ཐོག་མར་བྱུང་ཡོད་པ་དེ་རེད། ཅེས་བཀོད་འདུག

            འདི་ནི་ཚན་རིག་གི་གསར་རྙེད་ནང་བསམ་ཚུལ་གསར་པ་ཞིག་ཡིན། “ང་ཚོས་བོད་ཀྱི་མཐོ་སྒང་ལ་མྱུལ་ཞིབ་ཀྱིས་ཚན་རིག་གི་གསར་རྙེད་དེ་ལས་མང་བ་གཅིག་ལ་རེ་སྒུང་བྱེད་ཆོག” ཅེས་ཞིབ་འཇུག་སྡེ་ཚན་དེས་བལ་ལྡན་ཨབ་རིལ་ལམ། བསེ་རུ་(woolly rhino)ཡི་མགོ་རུས་གསར་རྙེད་དེ་ལྟ་བུ་ཡོང་བར་སྣེ་ཁྲིད་གནང་མཁན་ལོ་སཱ་ཨན་ཇེལ་དུ་ཡོད་པའི་རང་འབྱུང་ཁམས་ཀྱི་ལོ་རྒྱུས་ཀྱི་འགྲེམ་སྟོན་ཁང་། “Natural History Museum of Los Angeles County,” གི་(ཞིན་ཨའོ་མིན་ཝང་?) Xiaoming Wang གིས་གསུངས།

            “བལ་ལྡནབསེ་རུ་ཡི་འགྱུར་རྡོ་དེ་ནི་ལོ་ངོ་དུང་ཕྱུར་ ༣‚༦ ཙམ་ཕྱིན་པའི་རྙིང་པ་ཞིག་རེད། སེམས་ཅན་འདི་འཚོ་སྡོད་བྱེད་པའི་སྐབས་སུ་སའི་གོ་ལའི་ཁོར་ཡུག་གི་གནམ་གཤིས་སྤྱིར་བཏང་དྲོན་མོ་རེད། འོན་ཀྱང་བལ་ལྡན་བསེ་རུ་ནི་རི་སྒང་གི་གྲང་མོའི་ནང་བསྡད་སྟབས་གནམ་གཤིས་ཀྱི་གནས་སྟངས་འདི་འདྲ་ལ་གོམས་ནས་ཡོད། དེར་བརྟེན་ལོ་དུང་ཕྱུར་གཅིག་གི་རྗེས་སུ་འཁྱགས་རོམ་གྱི་དུས་སྐབས་བྱུས་དུས། བསེ་རུའི་ལུས་པོས་གནམ་གཤིས་གྲང་མོ་དེར་གྲ་བསྒྲིགས་ཟིན་ནས་ཡོད། དེའི་སྟབས་ཀྱིས་བསེ་རུ་རྣམས་ལས་སླ་པོའི་ཐོག་ནས་རི་ལས་བབ་ནས་ཨེ་ཤི་ཡའི་བྱང་རྒྱུད་དང་ཡོ་རོབ་སོགས་སུ་འཁྱམས་ཉུལ་དུ་འགྲོ་ཐུབ་པར་གྱུར།

            བསེ་རུ་ལ་གྲུ་སྐྱ་ལྟ་བུའི་རྭ་ཅོ་ཅུང་ལེབ་ལེབ་ཡིན་པ་ཞིག་ཡོད་པ་དེས་གངས་དང་འཁྱགས་པ་ཕར་འདེད་ཚུར་འདེད་ཀྱིས་དེའི་འོག་གི་ཙྭ་དང་ལྡུམ་བུའི་རིགས་སྔོག་ཐུབ་ཀྱི་ཡོད་རེད།” ཅེས་ཝང་གིས་གསུངས། “དེ་ནི་ཧ་ལམ་ལྗིད་ཚད་ལ་ཏུན་༡‚༢ ནས་ ཏུན་ ༡‚༦ བར་ཡོད་པའི་ཨ་ཧྥི་རི་ཁའི་དེང་དུས་ཀྱི་བསེ་རུ་ནག་པོ་ཞིག་དང་འདྲ་པོ་ཡོད། ཞིབ་འཇུག་པ་རྣམས་ཀྱིས་རྙེད་དོན་ལྟར་ན་སེམས་ཅན་དེ་འཚོ་སྡོད་སྐབས་འགྲོ་བ་མིའི་ཆེས་སྔ་ཤོས་ཀྱི་ཕ་མེས་རྣམས་ཀྱང་ས་ཆ་དེ་ནས་ཁ་བྲལ་མེད་སྟབས་སྲོང་ཆགས་འདི་གཉིས་ཀྱི་རིག་རྒྱུད་ཕྱི་མ་རྣམས་འཕྲད་ཡོད།

            གང་ལྟ་ལོ་དུང་ཕྱུར་མང་པོའི་རྗེས་ཀྱི་འཁྱགས་རོམ་གྱི་དུས་སྐབས་མཐའ་མར་བྲག་ཕུག་གི་ངོས་སུ་བསེ་རུའི་རི་མོ་བྲིས་ཡོད། འོན་ཀྱང་འཁྱགས་རོམ་དུས་སྐབས་ཀྱི་མཇུག་སྟེ་ལོ་ ༡༠‚༠༠༠ ཙམ་ནས་སེམས་ཅན་དེའི་རི་རྒྱུད་སྟོངས་དགོས་པའི་རྒྱུ་རྐྱེན་གང་ཡིན་སུས་ཀྱང་ཤེས་ཀྱི་མེད། འགྲོ་བ་མིས་ཚད་ལས་འདས་པའི་རྔོན་རྒྱབ་པའི་དཔང་རྟགས་ནི་གང་ཡང་མཐོང་རྒྱུ་མེད།” ཅེས་ཝང་གིས་གསུངས། ཝང་གི་ཚོགས་པ་དེས་རིགས་རྒྱུད་སྟོང་ཟིན་པའི་སེམས་ཅན་གྲུམ་པ་དང་། གངས་གཟིགས་(གྲུམ་པ་དང་གངས་གཟིགས་སོགས་མཚོ་བོད་མཐོ་སྒང་གི་ས་ཁུལ་ཁག་ལ་ད་དུང་གསོན་བཞིན་ཡོད་སྟབས་(ཞིན་ཨའོ་མིན་ཝང་?) Xiaoming Wang གིས་འདིའི་ཐད་ནས་ཇི་ལྟར་དགོངས་མིས་བཤད་དཀའ)རྐང་པ་གསུམ་ཅན་གྱི་རྟ་སོགས་ཀྱི་འགྱུར་རྡོ་ཁྱད་མཚར་དེ་འདྲ་དང་། གཞན་མང་པོ་ཞིག་རྙེད་ཡོད་འདུག

CNN དྲ་གནས་ལས་སྒྱུར་འགོད་བྱས།

པར་དང་རྩོམ་གྱི་ཡོང་ཁུངས་CNN དྲ་གནས།

མ་རྩོམ་གྱི་དྲ་ཐག http://lightyears.blogs.cnn.com/2011/09/01/ice-age-giants-may-have-evolved-in-tibet/

ཐེངས་ 42393 བཀླགས་འདུག