བོད་ཀྱི་གནམ་གཤིས་འགྱུར་ལྡོག་ཤིན་ཏུ་མྱུར་པོ་འགྲོ་བཞིན་པ།

དེ་ཡང་མཐོ་སྒང་བོད་ཀྱི་གནམ་གཤིས་འགྱུར་ལྡོག་ཤིན་ཏུ་མྱུར་པོ་འགྲོ་བཞིན་པའིོ་རྐྱེན་པས། བོད་ནང་གི་འཁྱགས་རོམ་ཧ་ཅང་མང་པོ་རྒུད་ཟད་དུ་འགྲོ་བཞིན་ཡོད་པ་དང༌།    དེའི་རྟགས་མཚན་གཅིག་ནི། རྒྱ་མཚོ་ནས་མཐོ་ཚད་མི་ཊར་༤༧༠༠་ཙམ་གྱི་སྟེང་ཡོད་པའི་བྱང་གནམ་མཚོའི་རྒྱ་ཁྱོན་ཇེ་ཆེར་འགྲོ་བཞིན་པ་ཡིན་པ་རེད།
བྱང་གནམ་མཚོ་ནི་གཙོ་བོ་འཁྱགས་རོམ་བཞུར་བའི་ཆུ་ལས་བྱུང་བའི་མཚོ་ཞིག་ཡིན་ཞིང་། འདས་པའི་ལོ་ངོ་སུམ་ཅུའི་རིང་བོད་ཀྱི་འཁྱགས་རོམ་བརྒྱ་ཆ་༡༥་ཙམ་བཞུར་ཡོད་སྟབས། བྱང་གནམ་མཚོའི་རྒྱ་ཁྱོན་ཡང་སྤྱི་ལེ་གྲུ་བཞི་མ་ལྔ་བཅུ་ཙམ་ཆེ་རུ་ཕྱིན་ཡོད་པ་མཚོ་བོད་ཚན་རིག་ཞིབ་འཇུག་གིས་སྙན་ཐོ་བཏོན་འདུག
ལྷག་པར་དུ་གངས་རི་ཇོ་མོ་གླང་མའི་རི་རྒྱུད་དུ་འཁྱགས་རོམ་བཞུར་ཚད་འདས་པའི་ལོ་ངོ་བཅུ་ཕྲག་འགའ་ཤས་ནང་མྱུར་དུ་ཕྱིན་ཡོད་ཅིང༌། ཕྱི་ལོ་༢༠༥༠་ཤར་མཚམས་སུ་མགོ་སྒང་བོད་ཀྱི་འཁྱགས་རོམ་གསུམ་ཆ་གཉིས་ཙམ་བཞུར་ངེས་པ་ཡིན་པ་རྒྱ་ནག་གི་ཚན་རིག་ཞིབ་འཇུག་ཁང་གི་སྙན་ཐོ་བཏོན་ཡོད་པ་རེད། མཐོ་སྒང་བོད་ཀྱི་འཁྱགས་རོམ་བཞུར་བའི་དབང་གིས་རྒྱ་དཀར་ནག་དང་འབྲུག Pakistan, Bangladeshབཅས་ཀྱི་ཡུལ་གྲུའི་ནང་གནས་པའི་མི་འབོར་ཐེར་འབུམ་གཉིས་ལ་རང་བཞིན་གྱི་འབྱུང་བའི་གོད་ཆགས་ཡོང་ངེས་པ་ཡིན་པ་རེད།

གནས་ཚུལ་ཡོང་ཁུངས། ཨེ་ཤ་ཡ་རང་དབང་རླུང་འཕྲིན་ཁང་།

ཐེངས་ 42202 བཀླགས་འདུག