གཏེར་སྔོག་ལ་ངོ་རྒོལ་བྱེད་མི་གསུམ་མུ་མཐུད་བཀག་ཉར།

རྒྱ་ནག་གིས་འཛིན་བཟུང་བྱས་བའི་གསེར་ཆེན་རྗོང་ཀ་སེར་སྡེ་པའི་བོད་མི་གསུམ་གློད་བཀྲོལ་མ་བཏང་བར་མུ་མཐུད་བཀག་ཉར་བྱས་བསྡད་ཡོད་པ་རེད་འདུག

མཚོ་ལྷོ་ཁུལ་གྱི་གསེར་ཆེན་རྫོང་ཆབ་ཆ་གྲོང་བརྡལ་གྱི་མངའ་ཁོངས་ཀ་སེར་སྡེ་པའི་ཕྱོགས་ནས་རྡོ་ཀ་མ་རུ་བསྔོག་བསྐྱེལ་བྱེད་བཞིན་པ།དེ་ཡང་བོད་ནས་འདི་གའི་གསར་འགོད་པ་ཀུན་བཟང་བསྟན་འཛིན་ལ་གནས་ཚུལ་འབྱོར་བ་ལྟར་ན། ཉེ་སྔོན་རྒྱ་ནག་གི་དཔོན་རིགས་ཀྱིས་རྒྱབ་སྐྱོར་བྱས་འོག་མཚོ་སྔོན་ཞིང་ཆེན་མཚོ་ལྷོ་ཁུལ་གྱི་གསེར་ཆེན་རྫོང་ཆབ་ཆ་གྲོང་བརྡལ་གྱི་མངའ་ཁོངས་ཀ་སེར་སྡེ་པའི་ནང་གཏེར་ཁ་ཚོང་ལས་ཁང་གིས་ཀ་སེར་སྡེ་པའི་ས་ཁུལ་དུ་རྡོ་ཀ་མ་རུ་བསྔོག་འདོན་གྱི་དུས་བཀག་གཙང་ཟིན་ནའང་མུ་མཐུད་ནས་བསྔོག་འདོན་བྱས་པར་ས་གནས་བོད་མིས་ངོ་རྒོལ་གྱི་ལས་འགུལ་སྤེལ་ཡོད་པ་དང་། སྐབས་དེ་དུས་བོད་མི་༢༠་ཙམ་འཛིན་བཟུང་བཀག་ཉར་བྱས་ཡོད་པའོ་ཁོངས་ནས་ཁག་ཅིག་རིམ་པས་གློད་བཀྲོལ་བཏང་འདུག་ཀྱང་། རང་ལོ་༣༤་ཙམ་ཡིན་འབྲུག་སྐྱིད་དང་། རང་ལོ་༥༠་ཙམ་ཡིན་པ་དོན་ཁོ། རང་ལོ་༢༤་ཙམ་ཡིན་པ་དབྱངས་མཚོ་སྐྱིད་བཅས་མི་གསུམ་ད་དུང་མཚོ་ལྷོ་ཁུལ་གྱི་བཙོན་ཁང་ནང་དུ་མུ་མཐུད་ནས་བཙོན་འཇུག་བཀག་ཉར་བྱེད་བཞིན་པ་དང་། ས་གནས་བོད་མི་ཞིག་གིས་བརྗོད་དོན། ཁོང་གསུམ་ལ་དྲང་བདེན་གྱི་ཐག་གཅོད་མ་བྱུང་ཚེ་ཁོང་ཚོར་དུས་བཀག་གི་བཙོན་འཇུག་ཁྲིམས་ཐག་གཅོད་རྒྱུའི་ཉེན་ཁ་ཡོད་པ་བརྗོད་འདུག
ཡོང་ཁུངས་ཨེ་ཤེ་ཡ་རང་དབང་རླུང་འཕྲིན་ཁང་།

ཐེངས་ 42225 བཀླགས་འདུག