སེང་གེ་ནི་འོ་འཐུང་དང༌། ཤ་གཟན། སྡེར་མོ་ཅན་གྱི་ཁོངས་སུ་གཏོགས། ཁྱབ་ཡུལ་གྱི་གནས་ནི་ལྷོ་ཨ་ཧྥི་རི་ཁའི་ཡུལ་དུ་གཙོ་བོ་འཚོ་གནས་བྱེད་ཅིང༌། དཀྱིལ་ཤར་ཡུལ་གྲུ་དང༌། རྒྱ་གར་སོགས་ནང་འགའ་ཤས་མཐོང་རྒྱུ་ཡོད། སྔོན་ཆད་ཡོ་རོབ་ས་ཁུལ་དུ་སྲོག་ཆགས་འདི་རིགས་འཚོ་གནས་བྱེད་བཞིན་ཡོད་ཅིང༌། ལོ་ཉིས་བརྒྱའི་གོང་ནས་རྩ་སྟོངས་སུ་གྱུར་ཡོད་པར་བཤད།
གཡི་ནི་འོ་འཐུང་དང་གཅན་གཟན་རིགས་སུ་གཏོགས་ཤིང༌། ཨེ་ཤི་ཡ་དང༌། ཡོ་རོབ། ཨ་མི་རི་ཀའི་གླིང་ཆེན་སོགས་སུ་འཚོ་གནས་བྱེད། ཨེ་ཤི་ཡའི་ནང་ནས་བོད་གཙོ་བོར་གྱུར་པའི་རྒྱ་དཀར་ནག་སོགས་སུ་འཚོ་གནས་བྱེད་ཅིང༌། དེའི་ནང་ནས་མང་ཆེ་བ་བོད་ལ་གནས་ཀྱི་ཡོད་པ་ངོས་འཛིན་བྱས།
དོམ་ནི་ཤ་གཟན་འོ་འཐུང་སྲོག་ཆགས་ཀྱི་རིགས་སུ་གཏོགས་པ་དང༌། སྲོག་ཆགས་དོམ་ལ་རིགས་མི་འདྲ་བ་ཁ་ཤས་ཡོད་ཅིང༌། དེ་དག་མང་བ་གླིང་ཆེན་ཨེ་ཤི་ཡ་དང༌། ལྷོ་ཨ་ཧཕི་རི་ཁ། བྱང་ཨ་རི། ཡོ་རོབ་སོགས་སུ་གཙོ་བོ་གནས་ཤིང་གླིང་ཆེན་གཞན་ལ་ཡང་དོམ་རིགས་ཡོད་པར་ངོས་འཛིན་བྱེད་བཞིན་ཡོད།
དྲེད་མོང་ནི་གཅན་གཟན་དོམ་རིགས་ཀྱི་ཁོངས་སུ་གཏོགས་ཤིང་ས་མཐོ་བོད་ཀྱི་ཡུལ་གྲུ་གང་སར་འཚོ་གནས་བྱེད། སྲོག་ཆགས་འདི་ནི་བོད་ཀྱི་རོང་འབྲོག་གཉིས་ཀར་འཚོ་གནས་བྱེད་ཅིང༌། དེའི་ནང་ནས་མང་ཆེ་བ་འབྲོག་ཁུལ་དང་བྱང་ཐང་སོགས་སུ་འཚོ་གནས་བྱེད་བཞིན་ཡོད་པ་དང༌།
སྲམ་ནི་འོ་འཐུང་དང་ཤ་གཟན་སྲོག་ཆགས་ཀྱི་རིགས་ཤིག་ཡིན་པ་དང༌། གླིང་ཆེན་ཨོ་སི་ཊི་ལེ་ཡ་དང༌། ཡོ་རོབ་དང༌། ཨེ་ཤི་ཡ་སོགས་ས་གནས་མང་པོར་འཚོ་གནས་བྱེད་ཅིང༌། བོད་ཀྱི་ས་ཆ་མང་པོ་ཞིག་ནའང་འཚོ་གནས་བྱེད་ཀྱི་ཡོད།
དོམ་ཁྲ་དམར་ཆུང་ནི་དོམ་རིགས་ཤིག་ཡིན་པ་དང༌། ཕྱི་ལོ་ ༡༨༢༠ ལོར་གཞི་ནས་རྙེད་སོན་བྱུང་ཡོད། སྲོག་ཆགས་འདི་བོད་ཀྱི་ལྷོ་ཕྱོགས་དང་འགྲམ། བདེ་ཆེན། རྒྱལ་ཐང༌། འབའ་ལུང༌། རྒྱལ་རོང་སོགས་བོད་ས་ཁུལ་གྱི་གྲོག་རོང་དང་གནམ་གཤིས་ཅུང་དྲོད་ཚད་ངེས་ཅན་ཡོད་སའི་ས་གནས་ཀྱི་ཤིང་ནགས་སོགས་ནང་འཚོ་གནས་བྱེད།