ཕྱི་ལོ་ ༢༠༡༥ ཟླ་ ༦ ཚེས་ ༡༩ རེས་གཟའ་པ་སངས་ཉིན་ལྷ་སྤྱི་ཚོགས་ཞབས་ཞུ་ཚོགས་པས་འགན་འཁུར་གོ་སྒྲིག་འོག དྷ་ས་ཁོར་ཡུག་ལས་ཁུངས་དང་། བུད་མེད་ཚོགས་པ། དེ་བཞིན་ཐང་ཁྲོམ་སྐྱིད་སྡུག་བཅས་མཉམ་ཞུགས་ཀྱིས་ཁྱོན་མི་གྲངས་ ༡༣༠ ཙམ་གྱིས་དྷ་ས་དང་དམིགས་བསལ་༧གོང་ས་སྐྱབས་མགོན་ཆེན་པོ་མཆོག་གི་བཞུགས་གནས་ཐེག་ཆེན་ཆོས་གླིང་གཙུག་ལག་ཁང་གི་ཁོར་ར་ཁོར་ཡུག་ཏུ་གད་སྙིགས་བསྡུ་རུབ་ཀྱིས་ཁོར་ཡུག་གཙང་བཟོ་བྱས།
རྒྱ་ནག་གི་ཚན་རིག་པ་ཚོས། ཉེ་ཆར་བལ་ཡུལ་ལ་འགུལ་ཤུགས་ཆེ་བའི་ས་ཡོམ་བྱུང་སྐབས་རི་བོ་ཇོ་མོ་གླང་མ་འགུལ་བསྐྱོད་ཆེན་པོ་བྱུང་ནས་ལྷོ་ནུབ་ལ་ནུར་འདུག་ཞེས་ཡོངས་བསྒྲགས་བྱས་འདུག
ཀླུ་ཆུ་རྫོང་གི་ས་གནས་རྒྱ་ནག་གི་འབྲེལ་ཡོད་ཚན་པས་བོད་མིའི་ས་ཆ་བཙན་འཕྲོག་བྱེད་རྩིས་ལ་ངོ་རྒོལ་བྱས་པར་བོད་མི་མི་ཉུང་བ་འཇུ་བཟུང་བྱས་ཡོད་འདུག
ཕྱི་ལོ་ ༢༠༡༥ ཟླ་ ༥ ཚེས་ ༢༩ ཉིན། རྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན་འདས་པའི་བདུན་ཕྲག་གཉིས་ནང་ཚུད་ཙམ་སྟེ་འདི་ལོའི་ཕྱི་ཟླ་ ༥ ཚེས་ ༢༠ ཙམ་ནས་རྒྱ་གར་ནང་ཐན་པ་དང་ཚ་དྲོད་ཤིན་ཏུ་ཆེ་བ་འཕར་རྐྱེན་རྒྱ་གར་ལྷོ་ཕྱོགས་ཨན་དྷར་མངའ་སྡེའི་ནང་(Andhra Pradesh)ནང་ཁྱོན་མི་གྲངས་ ༡༣༣༣ ཙམ་འདས་གྲོངས་དང་།
ཉེ་ཆར་བོད་དང་རྒྱ་གར་དེ་བཞིན་གཙོ་བོར་བལ་ཡུལ་ནང་སྔ་ཕྱི་ས་ཡོམ་ཤུགས་ཆེ་ཆུང་ཐེངས་ ༣༠ ཡས་མས་ཤིག་བརྒྱབ་རྗེས། ཚན་རིག་པས་རི་བོ་ཧི་མ་ལ་ཡའི་མཐོ་ཚད་རྨིད་ ༡ དམའ་རུ་ཕྱིན་ཡོད་པའི་ངོས་འཛིན་བྱས་འདུག
ཁམས་རྫ་སྟོད་ནག་ཚང་གྲོང་སྡེ་ཡི་ལྷག་བསམ་ཅན་གྱི་མི་སྣ་ཁག་ཅིག་གིས་ཕ་ས་གཅེས་སྤྲས་དང་གད་སྙིགས་གཙང་སེལ་བྱེད་བཞིན་པའི་པར་རིས་ཁག་ཅིག