རྒྱ་རིགས་ཚོང་པ་ཁག་ཅིག་གིས་འདས་པའི་ལོ་མང་རིང་སྡེ་དགེ་རྫོང་ཁོངས་ཀྱི་སྨན་ཤོད་ཆུས་ཀྱི་ཧྱོ་པ་དང་ཕུ་མ། མདའ་མ་སོགས་སུ་ཤིང་ནགས་གཅོད་འབྲེག་དང་སྐྱེལ་འདྲེན་བྱེད་ཀྱིན་ཡོད་པ་མ་ཟད། ཤིང་ནགས་ནང་རྒྱ་རྙི་འདྲ་མིན་བཙུགས་ཏེ་རི་སྐྱེས་སེམས་ཅན་གླ་བ་དང་གོ་བོ། འདབས་ཆགས་སྣ་ཚོགས་གསོད་བཟུང་བྱེད་ཀྱིན་ཡོད་འདུག
རི་སྐྱེས་དངོས་ཁམས་ཀྱི་ཚན་རིག་པས་བོད་མཐོ་སྒང་གི་ཚ་དྲོད་འཕར་བཞིན་ཡོད་པ་དང་། དེས་རྐྱེན་པས་མཐོ་སྒང་གི་འཁྱགས་རོམ་བཞུར་ནས་རྩ་ཐང་དང་མི་ཕྱུག་བཅས་ལ་ཆུ་དཀོན་པའི་དཀའ་ངལ་འཕྲད་བཞིན་ཡོད་པར་གསུངས་འདུག
འདས་པའི་བདུན་ཕྲག་གཅིག་རིང་རྒྱ་ནག་ལྷོ་རྒྱུད་ཀྱི་ཞིང་ཆེན་ ༡༠ ནང་བསྟུད་མར་ཆར་བ་ཤུགས་ཆེན་བབ་པའི་རྐྱེན་གྱིས་ཡུལ་མི་ས་ཡ་ ༤ འཚོ་གནས་ལ་གོད་ཆག་བྱུང་ཡོད་འདུག
མུ་གྷུ་རྫོང་ཁུལ་དུ་ཇག་ཚོགས་དང་ཡུལ་མིའི་དབར་དབྱར་རྩྭ་དགུན་འབུ་རྐུ་འཕྲོག་གི་འཁྲུག་རྩོད་བྱུང་སྟེ་ཡུལ་མི་གཅིག་འདས་གྲོངས་དང་གཞན་གསུམ་ལ་རྨས་སྐྱོན་བྱུང་ཡོད་འདུག
རྒྱ་གཞུང་གིས་འཕྲལ་དུ་དྲག་གནོན་བྱེད་པར་གྲ་སྒྲིག་ཡོད་པའི་ཐོག་ནས་རྔ་བ་ཁུལ་ཆུ་ཆེན་རྫོང་ཨ་ཁོ་རེས་ཡུལ་ཚོའི་གནས་རིའི་གཏེར་ཁ་སྔོག་པའི་ལས་གཞི་མུ་མཐུད་དུ་ལག་བསྟར་བྱེད་བཞིན་འདུག
རྒྱ་གཞུང་གིས་ཆུ་ཆེན་རྫོང་ཁོངས་ཀྱི་གནས་རི་སྲུང་སྐྱོབ་པ་ཚོར་གཅར་རྡུང་བཀག་ཉར་བྱས་ཡོད་པ་མ་ཟད་མུ་མཐུད་ངོ་རྒོལ་མི་ཆོག་པའི་འཇིགས་སྐུལ་བཀའ་རྒྱ་བསྒྲགས་འདུག