དཔལ་རིས་བསོད་ནམས་ཚེ་རིང་གིས་བརྩམས་པའི་མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པའི་སྐོར་བརྗོད་པ་ལྷག་བསམ་པདྨ་དཀར་བོའི་ཆུན་པོ་ཞེས་པ་ལས། རི་སྐྱེས་སྲོག་ཆགས་ལ་སྲུང་སྐྱོབ་གང་ཐུབ་བྱེད་པ།
བོད་པ་ཚོས་འཇིག་རྟེན་གྱི་ལྟ་ཚུལ་ལ་བྱས་པ་ཡིན་ན། འཇིག་རྟེན་འདིའི་ཐོག་ལ་གནས་པའི་སྲོག་ཆགས་ཡོངས་རྫོགས་སྤྱི་མཐུན་གྱི་ལས་ལས་གྲུབ་པ་ཡིན་པ་འདོད་ཀྱི་ཡོད་པ་རེད། དེ་འདྲ་སོང་བ་ཡིན་ཙང་ས་ཡི་གོ་ལ་འདིའི་ཐོག་ལ་གནས་པའི་སྲོག་ཆགས་འབུ་སྲིན་ཕྲ་རབ་ཡན་ཆད་ཚང་མ་རང་རང་གི་སྤྱི་མཐུན་གྱི་ལས་ལས་གྲུབ་པའི་ས་ཡི་གོ་ལའི་བདག་དབང་བྱེད་རྒྱུའི་ཐོབ་ཐང་ཡོད་པ་ཡིན་ཙང༌།
ཕྱི་ལོ་ ༢༠༠༥ ཟླ་ ༡༠ ཚེས་ ༢༣ ཉིན་དྷ་སྟེང་བོད་ཕྲུག་ཁྱིམ་སྡེ་རུ་བསྩལ་བའི་བཀའ་སློབ་ནང་“བོད་ནས་དཔར་ཐོན་པ་དེ་འདྲའི་ནང་ལ། དུས་སྟོན་སོགས་མི་མང་འདུ་འཛོམས་བྱེད་པའི་སྐབས་གསེར་དངུལ་ལས་གྲུབ་པའི་རྒྱན་ཆའི་རིགས་འདྲ་མིན་འཕྱོར་པོ་ཞེ་དྲག་གྱོན་བསྡད་པ་དེ་འདྲ་འདུག དྲང་པོ་བཤད་ན་དཔར་དེ་འདྲ་མཐོང་དུས་ང་རང་ཏོག་ཙམ་འཚེར་ཡོང་གི་འདུག
དང་ པོ། དམ་པའི་ལྷ་ཆོས་དང་མི་མཐུན་པས་སྤང་དགོས་པ། བློ་གསར་ཡིད་ཀྱི་དགའ་སྟོན་ལས། “དང་པོ་ཆས་གོས་ཀྱི་ཐད། སྤྱིར་རང་རེའི་གོས་དང་རྒྱན་འདི་བོད་གངས་ཅན་གྱི་མི་ཡིན་པའི་མཚོན་བྱེད་ཡིན། བོད་ཡུལ་གྱི་དྲོ་གྲང་དང་མཚམས་ཤིང་མཛེས་ཉམས་ཀྱང་མི་དམན་པ་ཡོད་ལ་སྟབས་ཀྱང་བདེ་བའི་དུས་རབས་གསར་བའི་སྐབས་ཀྱི་སྤྱོད་ལམ་དང་མི་འཚམས་པ་གང་ཡང་མེད།
“ནང་པའི་ཆོས་ཀྱི་གཞུང་ནས་ཕྱི་སྣོད་ཀྱི་ཁོར་ཡུག་དང༌། ནང་བཅུད་ཀྱི་སེམས་ཅན་བར་གཅིག་ལ་གཅིག་བརྟེན་གྱི་འཚོ་གནས་འབྲེལ་བ་དམ་པོ་ཡོད་པར་བརྗོད། ཕྲན་གྱི་གྲོགས་པོ་ཁ་ཤས་ནས་འགྲོ་བ་མིའི་རིགས་ནི་དྲག་རྩུབ་ཅན་ཞིག་ཏུ་བརྗོད་ཀྱི་འདུག་ཀྱང༌། དེ་ལ་ངོས་ནས་མོས་མཐུན་མེད། རང་རེས་སྟག་དང་འདམ་སེང་ལ་སོགས་པའི་གཅན་གཟན་དེ་ཚོར་ལྟ་ཞིབ་བྱེད་དུས།