སྟག་སྲུང་སྐྱོབ་ཀྱི་ཁྲིམས་ལུགས་གཏན་འབེབས།
སྟག་ནི་སྟོངས་ལ་ཉེ་བའི་རྩ་ཆེའི་རི་སྐྱེས་སྲོག་ཆགས་གྲས་ཤིག་ཡིན་པ་དང༌། རྒྱལ་སྤྱིའི་རང་བྱུང་སྲུང་སྐྱོབ་མཉམ་འབྲེལ་ལྷན་ཚོགས་ཀྱིས་སྟོངས་ལ་ཉེ་བའི་རི་སྐྱེས་སྲོག་ཆགས་ཛ་དྲག་གི་ཟིན་ཐོ་དམར་པོའི་ཟུར་རྒྱན་དང་པོའི་ནང་བཞག་ཡོད། ཕྱི་ལོ་ ༡༩༧༥ ལོ་ནས་བཟུང་རྒྱལ་སྤྱིའི་རི་སྐྱེས་སྲོག་ཆགས་དང་སྐྱེ་དངོས་ཉོ་ཚོང་གི་ཁྲིམས་ཡིག་ནང་སྟག་གི་གཟུགས་པོའི་ཆ་ཤས་ཉོ་ཚོང་བྱས་ན་ཁྲིམས་འགལ་དུ་བརྩིས་ཏེ་བཀག་སྡོམ་བྱེད་ཀྱི་ཡོད།